Mantenì valores - realisé varietà!

I chemuns ie i elemënc plu mpurtanc dla Provinzia de Bulsan - Südtirol. Te nosc chemuns à la populazion laurà pea cun lezitënza y respunsabilità al suzes de Südtirol, ti dajan cialé ora, l tenian dëni de viver y rafurzan i valores dla familia, dl'umanità, dla solidarietà, dla cultura y dla tradizion. I chemuns te si bon mumënt ie frut dl lëur mpurtant ti ani, purtà inant da duta la zitadines y i zitadins.

La „Südtiroler Volkspartei" à, cun la crëta dla populazion, purtà inant chësc lëur ti chemuns y a chësta maniera sëurantëut respunsabilità per l svilup de nosc ncësa. L'ëiles y i uemes dla „Südtiroler Volkspartei" ti cunsëies y tla jontes di chemuns se à cruzià de na bona aministrazion efiziënta, daujin ala populazion.